दलित समुदायका कानून व्यवसायीहरुले आफ्नो कानून पेशा व्यवसायको साथसाथै कानूनको शासन, समावेशिता, राष्ट्रियता, सामाजिक न्याय, संघीयता सबलीकरण, जलवायु परिवर्तन र अन्तर्राष्ट्रिय सम्बन्धलगायतका सार्वजनिक सवालहरुमा वकालत बहस पैरवी गर्दै आएका छन्। तथापि, उनीहरुलाई राज्यले निरन्तर बहिष्कृत गर्दै आएको देखिन्छ। यसरी कानूनी मुद्दाहरूमा अन्तर्दृष्टि र विचारहरू आदानप्रदान गर्ने तथा नेपालभर विभिन्न अदालत तथा न्यायिक अर्धन्यायिक निकायमा अभ्यासरत दलित समुदायका अधिवक्ताहरूका लागि हकअधिकारको विषयमा सामूहिक धारणा तय गर्ने मुख्य उद्देश्यले यो दलित समुदायको अधिवक्ताको पहिलो राष्ट्रिय सम्मेलन आयोजना गरिएको छ।